Alam kong nagkamali ako
Nasaktan ko ang wagas na puso mo
Gagawin ko ang lahat, mapatawad mo lang ako
Sabihin mo, paano makakabawi sa hirap na mga dinaranas mo?
Isang beses na nagawa, malaki ang naging aral
Gulo at kasiraang dumagsa sa atin araw-araw
Ipinangako sa sariling huli na at ayaw na sa bawal
Maniwala ka naman, Ito ang aking sigaw...
Mabuti't nagising bago pa maging huli
Pamilyang nasisira ng dahil sa mga nangyari
Wag kang bibitaw, habaan ang iyong pisi
Sana makita mo naman ang lubos kong pagsisisi...
Kung hindi mapatawad, maaari ba nating iwasan
Araw araw na mga pag-uusap na may kasamang bangayan
Pamilya naman natin ang nasisira at nahihirapan
Samanatalang siya, ayun tignan mo at nakikipaghalakhalakan...
Sa pagkakamaling ito, ito ang magbibigay ng tibay
Sa pagsasama nating, sinusubok ng ating taga-agapay
Humawak ka ng mahigpit, haharapin natin ito ng sabay
Tignan mo't makikita, at masasabing...
"Salamat at di bumitiw, salamat at nagpatawad,
salamat at nagtiwalang muli at nanatili ang matingkad na kulay sa ating Buhay"
Lhan Matias© 05-30-12